Selamat Uroe Lahe ke 817 Kota Banda Aceh

Lapan Reutoh Tujoh Blah thon, yang ka leupah

Sultan Alaidin Johansyah, yang duek keuh raja

Pusat keurajeun, geupeudong meugah

Bak thon 601 Hijriah, uroe phon puasa

 

Banda Aceh masa nyan, meuceuhu leupah

pusat peradaban Islam meugah, di Asia Tenggara

kemegahan bangsa Aceh, yang beuhe ngen gagah

teusebar luah, ban sigom donya .

 

Banda Aceh, kota geutanyoe 

beusama tapakoe, saban tajaga

kota gemilang, bagah meusampoe 

rame yang pujoe, hingga u luwa

 

Kota yang ka gleh, ta ngieng tiep uroe

bek le tapeukuto, saling tajaga 

budaya islam, yang ka meuhujam lam asoe

bek keumah dipeucawo, ngen budaya luwa

 

Peue lom lam masa, Amin Zainal memimpin

ka le deuh tangieng, ta kalon nyata.

Ka le ka ditron, jumlah ureung gasien

meunan chit tangieng, di bidang agama.

 

Geupeuduek zikir, ngen pengajian rutin

Ulama ngen pemimpin, ka sapeue haba.

Ta kalon kota, ka indah Meutring

ngen lampu lighting, meu macam warna.

 

Lam penegakan syariat, aplus keuh pak Amin

ngen pak Zainal Arifin, kompak that dua.

Yang langgar syariat, ngen gerak cepat laju geu giring

tan geupreh su krang kring, hp ngen WA.

 

Peukan pih ka gleh, hana le bee Khieng

u Al mahirah Lamdingin, tajak beulanja.

Talake doa, bak Allah Karim

ban dua pemimpin, sehat anggota.

 

Banda Aceh geumilang, lagee ta ingin

maksiat bek teu ngieng, di dalam kota.

Beu sehat sabe, para pemimpin

bak Allah Karim, talake doa.

 

Selamat Uroe Lahe ke 817 Kota Banda Aceh

(Mahdi Andela)